Canta canta bèla Fiur
l’è nasit èl nos Signor
l’è nasit èn Betèm
tra èl bò e l’ainèl
ghira né fase né panezèl
d’enfasà chèl Gesù bèl.
Gesù bèl l’ira picinì
San Giusepe l’ira veciasì
lè nasit sö ‘n dè ‘na piasöla
èl gha troat ‘na cesaröla
ghira dénter Santa Maria Maddalena
che portava tanta pena
tanta pena e tant dulur
la passiù del nos Signur
Dorma dorma, fa la nana
bèl pütì del tò bubà
bèl püti dela tò mama
dorma dorma fa la nana
Fa nini fa ninà
farom èl me fiöl maridà
èl maridaròm en casa rica
en casa de la siora Margherita.
Fa la nana bèl pütì
va nel mut a fa ‘l fasì
èl püiva èl fiocàva
èl me pütì ‘l s’endormensava
fa la nina, fa le ò
Nina nana bel pütì
che te do èl cürisì
èl cürisì dèla tò mama
bel pütì fa la nana
Trenta quaranta la pègora la canta,
la canta söl solér
và a ciamà ‘l pegorér,
èl pegorér l’è ‘n le stala
và a ciamà èl Gioanì,
Gioanì Gioanèla
capitàno dè la guèra,
capitàno dèi suldacc
Gioanì maja gacc.
Trenta quaranta töt el mont èl canta,
canta ‘l gal, rispont la galina,
madona Francischina curì a la finestra
che pasa tre brigancc, con tre cavai bianc
bianca la cua, bianca la sèla
Batistì Büsela.
Pütì de pèsa
Fa la nana bel pütì de pèsa
che la tò mama l’è nàda a Brèsa
èl tò bubà l’è ‘n prisù
per en gra de furmintù
per en gra de mèi
te narè a fa ‘l famèi.
Fa la nana pütì de pesa
che dumà narom a Brèsa
narom a Brèsa a mangià la soprèsa
fa la nana pütì de pèsa
La morta Sgagnina
la salta 'n cusìna,
la ciàpa 'l cortèl,
la scana l'osèl,
'na tasta 'n tochèl,
la dis che l'è bù,
la tasta 'na feta,
la dis che l'è merda seca.
Nina nana cochèta,
che la mama l’è nada a Brèsa,
el bubà l’è ‘n sima al dom
a tö ‘l pütì ch’èl mor de sòn.
de la pàpa no l’an völ
pianta pianta ‘l baratöl
‘l batatöl, l’è l’è röt
mandarom a fal giustà
so le porte de Milà
so le porte de Veruna
‘n do chei pèsta l’èrba buna
l’èrba buna la fa i fenòcc
ciama el buba che jè còcc
che jè còcc e i va en panada
caterina l’ènamurada
‘namurada del barbér,
mula cortèi, taja cavèi,
fàga la barba a chèi piö bèi
A BERE SI VA IN PARADISO:
a bere si fa la balla
a far la balla si dorme
a dormire non si fanno peccati
a non fare peccati si va in Paradiso,
A BERE SI VA IN PARADISO
Trutunsela cavalù,
da Milàn fin a Gardù,
da Gardù fin a la Méla,
Trutunsela trutunsela.
- Sèt nàt en del mut? - Se!
- Ghet vist el luf? - Se!
- Ghet vist la volp? - Se!
- Ghet ciapat pora? - Se!
- Dela gata mora? - Se!
- Zugom a supiù? - Se!
- Zugnom toi dù? - Se!
Tutti e due soffiano